Mae Asiantaeth y Swyddfa Brisio (VOA) yn un o Asiantaethau Gweithredol Cyllid a Thollau EM (HMRC). Mae HMRC yn Rheolwr Data (Rhif cofrestru: Z9034148) o dan Ddeddf Diogelu Data 1998.
Mae hyn yn golygu bod gan VOA ddyletswydd gyfreithiol i ddiogelu cyfrinachedd gwybodaeth y trethdalwr. Rydym yn cymryd pob cam rhesymol i ddiogelu unrhyw wybodaeth y byddwch yn ei chyflwyno i ni, naill ai'n electronig neu ar bapur, yn unol â deddfwriaeth fel Deddf Diogelu Data 1998.
- Rydym yn cadw gwybodaeth at ddibenion trethi a rhai swyddogaethau statudol eraill fel y cânt eu pennu gan y Senedd. Gall y wybodaeth sydd gennym gael ei defnyddio ar gyfer unrhyw un o swyddogaethau VOA.
- Gallwn gael gwybodaeth amdanoch gan gyrff sector cyhoeddus eraill, megis adrannau eraill y llywodraeth ac asiantaethau ac awdurdodau lleol. Gallwn gymharu gwybodaeth a gawn ganddynt hwy a gennych chi, â'r wybodaeth sydd gennym eisoes.
- Gallwn roi gwybodaeth i adrannau eraill y llywodraeth ac i asiantaethau ac awdurdodau lleol ond dim ond os yw'r gyfraith yn caniatáu i ni wneud hynny, er mwyn sicrhau cywirdeb gwybodaeth, atal neu ganfod trosedd a diogelu arian cyhoeddus.
Ein gwefan a'ch preifatrwydd chi
Mae rhai tudalennau ar y wefan hon yn gofyn i chi gyflwyno gwybodaeth yn weithredol (fel pan fyddwch yn apelio yn erbyn gwerth ardrethol eich eiddo). Cewch wybod pa wybodaeth sydd ei hangen a beth sy'n ddewisol ar bob cam.
Efallai y bydd peth o'r wybodaeth hon yn bersonol (gwybodaeth sy'n berthnasol i chi yn unig, megis eich enw llawn, eich cyfeiriad, eich cyfeiriad e-bost, eich rhif ffôn, ac ati). Byddwn ond yn casglu gwybodaeth o'r fath pan fyddwch yn dewis ei rhoi i ni, a byddwn yn ei diogelu yn unol â Deddf Diogelu Data 1998.
Rydym hefyd yn defnyddio ffeiliau cofnodi a gynhyrchir gan ein gweinyddion rhyngrwyd i ddadansoddi defnydd o'r safle ac ystadegau, ond nid yw'r ffeiliau'n nodi unrhyw wybodaeth bersonol. Mae dadansoddi drwy ddefnyddio ffeiliau cofnodi yn ein helpu i ddeall patrymau o ran sut y defnyddir ein gwefan ac i wella ein gwasanaeth.
Sut y caiff eich bil ei gyfrifo (3 munud) Arddangosiad clir o’r hyn a ddefnyddir i gyfrifo’r swm y byddwch yn ei dalu mewn ardrethi busnes.
Sut rydym yn prisio tafarndai (2 funud) I gael prisiad teg ar gyfer tafarndai, byddwn yn edrych ar lefelau masnachu. Mae’r fideo hwn yn dangos beth rydym yn ei ystyried.
Sut rydym yn prisio gan ddefnyddio rhenti (2 funud)Caiff y rhan fwyaf o eiddo - siopau, swyddfeydd, safleoedd diwydiannol ac ati - eu prisio yn y ffordd hon. Dysgwch sut.
Sut rydym yn mesur eich eiddo (2 funud) Cipolwg ar beth rydym yn ei ystyried i gyfrifo’r mesuriadau cywir
Sut y mae’r broses o bennu ardal yn gweithio (2 funud) Wedi eich drysu gan ardal A, ardal B ac ati? Mae’r fideo hwn yn esbonio pethau’n syml.