Isod fe welwch help ar gyfer:
Esbonio'r broses o bennu ardal ar gyfer manwerthu
Ateb:
Mae'r broses o bennu ardal yn ffordd o fesur safle manwerthu.
Mae'r broses o bennu ardal yn ddull safonol o fesur safle manwerthu at ddibenion prisio. Caiff ei defnyddio gan syrfëwyr y sector cyhoeddus a'r sector preifat i gyfrifo gwerth safle manwerthu. Mae'n cydnabod mai rhan fwyaf gwerthfawr y safle yw'r rhan flaen, ger y ffenestr.
Beth yw'r ardaloedd?
Caiff eich siop neu eich safle manwerthu ei rannu'n nifer o ardaloedd. Dyfnder pob ardal yw 6.1 metr (20 troedfedd). Y rhan flaen, ger y ffenestr, yw ardal A. Y 6.1 metr nesaf yw ardal B, a'r nesaf yw ardal C. Bydd yr ardaloedd yn parhau nes y rhoddir ardal i ddyfnder cyfan yr ardal fanwerthu. Diffinnir unrhyw beth ar ôl ardal C fel y gweddill.
Sut rydym yn prisio ardaloedd?
Mae siopau o wahanolsiâp a maint ar gael. Drwy rannu pob siop yn ardaloedd safonol gallwn ystyried y gwahaniaethau hyn wrth i ni eu prisio. Rydym yn edrych ar dystiolaeth o'r rhenti gwirioneddol a delir yn yr ardal, ac yn eu rhannu'n bris fesul metr sgwâr am bob ardal. Yn gyffredinol ystyrir bod pob ardal yn werth hanner cymaint â'r ardal flaenorol.
Sut y caiff eich bil ei gyfrifo (3 munud) Arddangosiad clir o’r hyn a ddefnyddir i gyfrifo’r swm y byddwch yn ei dalu mewn ardrethi busnes.
Sut rydym yn prisio tafarndai (2 funud) I gael prisiad teg ar gyfer tafarndai, byddwn yn edrych ar lefelau masnachu. Mae’r fideo hwn yn dangos beth rydym yn ei ystyried.
Sut rydym yn prisio gan ddefnyddio rhenti (2 funud)Caiff y rhan fwyaf o eiddo - siopau, swyddfeydd, safleoedd diwydiannol ac ati - eu prisio yn y ffordd hon. Dysgwch sut.
Sut rydym yn mesur eich eiddo (2 funud) Cipolwg ar beth rydym yn ei ystyried i gyfrifo’r mesuriadau cywir
Sut y mae’r broses o bennu ardal yn gweithio (2 funud) Wedi eich drysu gan ardal A, ardal B ac ati? Mae’r fideo hwn yn esbonio pethau’n syml.