Ateb:
Os ydych am wneud yn siŵr bod ein mesuriadau yn gywir, dylech ddefnyddio'r un dull o fesur a ddefnyddiwyd gennym ni.
Rhoddir manylion am sut rydym yn mesur eiddo yn ein canllawiau mesur, sy'n cydymffurfio â'r cod mesur a gymeradwywyd gan Sefydliad Brenhinol y Syrfëwyr Siartredig (RICS).
Rydym yn defnyddio dau ddull ar gyfer mesur eiddo:
- yr arwynebedd mewnol gros (GIA).
- yr arwynebedd mewnol net (NIA).
Caiff y dull a ddefnyddiwyd gennym ar gyfer eich eiddo chi ei ddisgrifio yn ei gynllun prisio.
- Edrychwch am eich prisiad. Bydd y prisiad yn dangos yr ardaloedd sydd gennym ar gyfer pob rhan o'ch eiddo.
- Cliciwch ar y ddolen cynllun prisio i weld y cynllun a ddefnyddiwyd gennym ar gyfer eich eiddo. Bydd hyn yn rhestru'r dull prisio a ddefnyddiwyd gennym - naill ai'r arwynebedd mewnol net neu'r arwynebedd mewnol gros.
- Edrychwch am y dull yn ein canllawiau mesur. Bydd hwn yn rhoi gwybod i chi pa rannau o'r eiddo y dylech eu cynnwys yn eich mesuriadau.
Ar gyfer siopau a safleoedd manwerthu, caiff y mesuriadau eu rhannu'n ardaloedd hefyd.
Os nad yw ein mesuriadau yr un peth â rhai'r eiddo, cysylltwch â ni. Rhowch gyfeiriad a chod post yr eiddo, a'r mesuriadau a wnaed gennych.
Nid yw fy mhrisiad yn dangos unrhyw ardaloedd - sut y gallaf wneud yn siŵr bod y manylion yn gywir?
Caiff y rhan fwyaf o eiddo eu prisio gan ddefnyddio'r dull prisio ar gyfer eiddo i'w rhentu. Mae hwn yn seiliedig ar bris fesul metr sgwâr . Caiff rhai mathau o eiddo eu prisio yn seiliedig ar fasnach yn lle hynny. Ni fydd y mathau hyn yn dangos ardaloedd:
- tafarndai a safleoedd trwyddedig.
- gwestai bach a lleoliadau gwely a brecwast
- lletyau gwyliau hunanarlwyo.
Am resymau diogelwch, ni fyddwn yn rhoi manylion rhai mathau o eiddo (er enghraifft, banciau neu gymdeithasau adeiladu).
Sut y caiff eich bil ei gyfrifo (3 munud) Arddangosiad clir o’r hyn a ddefnyddir i gyfrifo’r swm y byddwch yn ei dalu mewn ardrethi busnes.
Sut rydym yn prisio tafarndai (2 funud) I gael prisiad teg ar gyfer tafarndai, byddwn yn edrych ar lefelau masnachu. Mae’r fideo hwn yn dangos beth rydym yn ei ystyried.
Sut rydym yn prisio gan ddefnyddio rhenti (2 funud)Caiff y rhan fwyaf o eiddo - siopau, swyddfeydd, safleoedd diwydiannol ac ati - eu prisio yn y ffordd hon. Dysgwch sut.
Sut rydym yn mesur eich eiddo (2 funud) Cipolwg ar beth rydym yn ei ystyried i gyfrifo’r mesuriadau cywir
Sut y mae’r broses o bennu ardal yn gweithio (2 funud) Wedi eich drysu gan ardal A, ardal B ac ati? Mae’r fideo hwn yn esbonio pethau’n syml.