Gallwch anfon gwybodaeth dros yr e-bost, ffacs, yn y post neu drwy law. Gallwch chwilio am fanylion cyswllt eich Swyddfa Brisio leol ar-lein.

Cyflwyno Datganiadau Achos (Lloegr yn unig)

Os oes gennych apêl a fydd yn mynd i Dribiwnlys Prisio yn Lloegr yna gofynnir i chi gyflwyno Datganiad Achos i'r Tribiwnlys ac Asiantaeth y Swyddfa Brisio.

• Dylai Datganiad Achos nodi'r materion y ceir anghydfod yn eu cylch, y canlyniad rydych am ei gael, a chrynodeb o'ch dadleuon a'ch tystiolaeth.

Mae canllawiau ffurfiol, a bennwyd gan y Tribiwnlys, ar gyfer anfon Datganiad Achos.

• Mae'n rhaid darparu datganiadau heb fod yn hwyrach na 5pm ar y dyddiad a nodir. Nodir y dyddiad hwnnw yn yr hysbysiad o wrandawiad yr anfonodd y Tribiwnlys Prisio atoch.

• Gallwch anfon Datganiadau atom dros yr e-bost, ffacs, yn y post neu drwy law.

• Mae'n rhaid i ddatganiadau a anfonir atom dros yr e-bost:
  • gael eu hanfon i gyfeiriad e-bostGrŵp y swyddfa sy'n delio â'ch achos. Chwiliwch am gyfeiriad e-bost Grŵp Swyddfa.
  • dylid nodi rhif achos a chyfeiriad yr eiddo yn llinell pwnc y neges, gan nodi ‘SOC’ yn gyntaf. Er enghraifft: SOC, rhif achos 123456789, 14 Stryd Fawr, Lle bynnag
  • ni ddylent fod yn fwy na 1Mb .
  • dylid cadarnhau'r cyfeiriad e-bost y dylem anfon ein hymateb iddo.
• Dylai datganiadau a anfonir atom dros y ffacs, yn y post neu drwy law gael eu hanfon i'r Swyddfa Brisio leol sy'n delio â'ch achos.