Nifer y gofodau gwely sengl mewn eiddo yw'r nifer o bobl sy'n gallu cysgu yno.

Caiff y gwerth ardrethol ar gyfer llety gwyliau hunanarlwyo ei bennu drwy edrych ar nifer y gofodau gwely sengl sydd ynddo. Defnyddir y dull hwn o nodi gwerth ar gyfer llety hunanarlwyo yn gyffredinol ar draws y diwydiant: caiff eiddo eu hysbysebu fel 'lle cysgu i 6' neu 'lle cysgu i 4'.

Nid ydym yn cynnwys crud na gwely soffa a ddefnyddir yn achlysurol mewn ardaloedd byw yn nifer y gofodau gwely sengl oni bai y cânt eu defnyddio'n gyffredinol mewn eiddo o'r math neu o'r maint hwnnw. Er enghraifft, bydd chalets neu fflatiau cynllun agored fel arfer yn cyfrif gwelyau soffa yn y nifer o welyau a hysbysebir felly rydym yn eu cynnwys wrth brisio'r math hwnnw o eiddo.

Caiff gwelyau bync bob amser eu hystyried yn ofod gwely sengl.