Rydym wedi gwneud ein mesuriadau o unedau diwydiannol yn fwy cyson ledled y wlad, sy'n golygu y bydd y mesuriadau ardal wedi newid ar gyfer rhai eiddo.

Y safon arolygu cydnabyddedig ar gyfer eiddo diwydiannol yw'r arwynebedd mewnol gros (GIA). Mewn ailbrisiadau blaenorol, gwnaethom fesur rhai eiddo gan ddefnyddio'r arwynebedd mewnol net (NIA), a defnyddiwyd y GIA ar gyfer eraill.

Bydd eich mesuriad GIA yn fwy na'r hen fesuriad NIA ond nid yw hyn yn golygu y bydd eich gwerth ardrethol yn uwch. Pan gafodd gwerth ardrethol eich eiddo ei ailasesu gennym, defnyddiwyd gwerth is fesul metr sgwâr a bennwyd gan ddefnyddio'r ardaloedd gros yn ein dadansoddiad o'r dystiolaeth o renti.

Rhoddir manylion am sut rydym yn mesur eiddo yn ein canllawiau mesur, sy'n cydymffurfio â'r cod a gymeradwywyd gan Sefydliad Brenhinol y Syrfëwyr Siartredig (RICS).