Y sail ar gyfer apelio yw'r rheswm rydych yn credu bod y gwerth ardrethol yn anghywir. Gallwch weld rhestr o'r rhesymau cyffredin dros apelio ar-lein.

Mae pob rheswm wedi'i ddosbarthu mewn 12 categori.

• A Roedd y gwerth(oedd) ardrethol ar y rhestr ardrethi ar ddyddiad yr ailbrisiad yn anghywir.
• B Mae'r gwerth ardrethol a ddangosir ar y rhestr o resymau dros newidiadau a wnaed gan y swyddog prisio yn anghywir.
• C Mae dyddiad dod i rym y newid a wnaed gan y swyddog prisio yn anghywir.
• D Bu newid yn yr amgylchiadau sy'n effeithio ar werth ardrethol yr eiddo ar ddyddiad penodol.
• E Mae'r eiddo wedi cael ei ddymchwel neu ddim yn bodoli bellach.
• F Mae'r eiddo bellach yn eiddo domestig neu wedi'i eithrio rhag ardrethi ac nid oes rhaid talu ardreth arno mwyach.
• G Dylid dileu'r cofnod sydd ar y rhestr am resymau nad ydynt yn ymwneud â phwyntiau E ac F uchod.
• H Dylid dangos mwy nag un asesiad ar gyfer yr eiddo.
• I Dylid dangos un neu fwy o asesiadau gwahanol ar gyfer yr eiddo.
• J Rwy'n credu y dylid codi ardrethi ar yr eiddo.
• K Mae'r cofnod yn anghywir o ganlyniad i benderfyniad gan dribiwnlys neu lys ar ddyddiad penodol.
• L Mae datganiad sydd angen ei wneud ar y rhestr am yr eiddo yn anghywir neu wedi'i hepgor.

Pa mor aml y gallaf apelio?

Gallwch ond apelio unwaith yn erbyn y gwerth ardrethol a bennwyd yn ystod ailbrisiad .

Gallwch hefyd apelio unwaith ar unrhyw un o'r seiliau eraill a nodir uchod. Er enghraifft os byddwn yn newid eich gwerth ardrethol yna gallwch apelio unwaith yn erbyn y newid hwnnw.