Caiff eich bil ardrethi busnes blynyddol ei gyfrifo a'i gasglu gan eich cyngor lleol.

Bydd y cyngor yn lluosi'r gwerth arderthol a osodir gan y VOA gyda lluosydd a osodir gan lywodraeth ganolog. Mae'r lluosydd, a osodir gan yr adran Cymunedau a Llywodraeth Leol yn Lloegr neu Lywodraeth Cynulliad Cymru, yn cynrychioli nifer y ceiniogau ymhob punt o'r gwerth ardrethol a fydd yn daladwy mewn ardrethi busnes cyn cymhwyso unrhyw ryddhad neu ostyngiad. Caiff ei adolygu bob blwyddyn i adlewyrchu newidiadau mewn chwyddiant.

Dim ond darlun yn unig yw'r enghraifft uchod: mae'r lluosyddion yn amrywio ar draws Cymru a Lloegr.

Gallwch gael amcangyfrif o'ch bil ardrethi ar gyfer 2011-12. Bydd hwn yn defnyddio eich gwerth ardrethol ar gyfer 2010 a'ch lleoliad i roi amcangyfrif.

Hefyd mae nifer o gynlluniau rhyddhad ardrethi ar gael a allai effeithio ar eich bil. Bydd eich cyngor lleol yn gweinyddu'r rhain.

Rydym yn cyhoeddi rhestr o luosyddion cyfredol a lluosyddion blaenorol ar-lein.