Gellir datrys problem o'r math hwn yn aml drwy gysylltu â'ch swyddfa brisio leol

Gallwch apelio os ydych yn credu bod eich eiddo'n adfeiliedig. Bydd angen i chi ddarparu rhesymau pam rydych yn credu hyn.

Pan fyddwn yn prisio eiddo rydym yn cymryd yn ganiataol ei fod mewn cyflwr rhesymol ac y caiff ei gynnal. Mae hyn yn sicrhau tegwch drwy drin pob eiddo yn yr un ffordd.

Er mwyn i ni ystyried eich eiddo'n adfeiliedig, mae'n rhaid iddo fodloni'r meini prawf canlynol:

• Ni ellir ei feddiannu, ac
• Ni ellir ei atgyweirio ar sail economaidd.

Ni fyddwn yn ystyried eiddo'n adfeiliedig os yw mewn cyflwr gwael ond y gellid ei feddiannu.

Cyn apelio

Dylech gysylltu â ni cyn apelio

• os yw eich eiddo mewn cyflwr gwael i drafod a allwn ostwng y gwerth ardrethol
• os yw eich eiddo'n cael ei adnewyddu ar raddfa fawr .